عذرا لقد تم اغلاق المنتدى للابد

جميعنا نمر ومررنا بامور قد بعادتنا عن المنتدى..أمور ألمتنا من الاخرين..!!
اصحاب قد افترقت طرائقهم من اجل كلمات عابرة...!!
غالبنا.. حزن هنا .وضحك هنا..
ووعد بالرحيل..وعند الرحيل..بقيت انفاسهم..ترتسم خلف ابواب المنتدى.. وكأن ارواحهم اعتادت ان تلامس كل ما هو جميل هنا.. اقدامهم لن تستطيع السير بعيدا عن بيت..بنو جدرانه بانفسهم.. واحتضنوا مواضيعه بجفونهم..
..

فمن خلال هذا المنتدى عرفناكم .. وعرفتونا

هنا التقينا وكنا دائما على موعد معا فى اسرة واحدة فى عالم من الحب والرخاء

ولا ننكر ان كثير منا تعلقت أرواحهم بصفحات المنتدى .. حتى أولئك الذين رحلوا ..

الى اليوم بعضهم يتصفح عن بعد .. وبعضهم يسجلون بأسماء جديدة

وكأن قلوبهم أبت الرحيل ..

فليس بالسهل على الإنسان ان يفارق من يحب .. والأشياء أحيانا تمثل لنا ما يمثله البشر
فلنا هنا كثير ٌ من الذكريات .. ولنا هنا أجزاء من الذّات

نثرناها في خطوط ٍ وحروف ..

فماذا لو .. أتتك رساله تقول :

:: عذراً تم [ إغلاق ] المنتدى للأبد ::

كيف ستشعر بعد الفترة التي قضيتها مع اعضاء المنتدى الرائع
وصفحاتنا التي كرسنا بها جهودنا
تصبح صفحة بيضاء خاليه
كُتب عليها :

:: عذراً تم [ إغلاق ] المنتدى للأبد ::

اتمنى ان ارى اراء الجميع

صعب قوي بس انا فعلا يمكن جديد في المنتدي بس حبيتكو كلكو وحاسس اننا اخوات ويمكن تكون دي وسيلة اننا نقرب من بعض ونحس ببعض ونعرض مشاكلنا علي بعض
ميرسي علي مواضيعك الجذابة ياصافي

على فكره الدنيا مش منتدى ولا الصحاب اعضاء

يعنى لازم الانسان يبقى فى دماغه فكره ان هو

اكيد فى يوم من الايام هيسيب المكان ده وليكن لاتفه الاسباب

وبعدين المنتدى ده ما يعتبرش حاجه الواحد ممكن يصدق انه ممكن

يصاحب فيها اى شخص لان الكل بينافق كله بينافق فى فى الردود ليه دا

السؤال الى ممكن حد من الاعضاء يجاوبنى عليه يعنى ممكن حد يبقى لسه رادد

على موضوع والموضوع ده جميل وتسلم ايدك وهو مش طايق العضو الى كاتب

الموضوع عشان كده المنتدى مش قايم على الشفافيه والجرأه من الاعضاء ليه
مفيش حد

الى فى المنتدى بيقول رأيه بصدق وجرأه وانا بتكلم وعارف ان فى كتير هيعيب

على كلامى ده بس فى اكتر مش هيعيب لانه عارف ان ده الى بيحصل فى المنتدى
وعلى فكره دى وجه نظرى فى المنتدى ده بس ممكن يكون السبب ان الكل الى فى

المنتدى صحاب او زمايل دراسه بس ده ما يمنعش ان احنا نكون جد لان ده الى
بيساهم فى تكوين شخصيه الفرد رأيه فى الى حواليه

يا ريت مفيش حد يزعل منى وياريت المنتدى يكون جد اكتر من كده لان الهزار كتر
قوى اكتر من الحد المسموح به

دى وجه نظرى انا بس

سلام

لا تعليق

على فكره انا عدلت الرد ده بس عشان خاطر اخويا وعبدالفتاح ا بس
هو الى قالى اعدل الرد يعنى مش خوف من حد

ولا اى حاجه تانيه يعنى عشان مفيش حد يفكر اى حاجه

ايه ياجماعة مش عيب ان حد يقول رايه بصراحة ياصافي ويمكن فعلا ان ساعات في ناس بتجامل في الكلام عشان محدش يزعل من حد احنا كمان مش داخلين علي المنتدي عشان نزعل من بعض
احنا داخلين عشان نعرف بعض اكتر ونحاول نكون مع بعض عشان الصداقة دي احسن حاجة في الدنيا
وحقك ياشينكو تقول رايك بصراحة واحترمه وياصافي متزعليش يمكن انتي حبيتي المنتدي وحسيتي انه حاجة مهمة عندك فمفيش داعي انكو تقولو كده
اسف لو حشرت نفسي بس بجد مينفعش كده احنا هنا عشان نكون مع بعض مش عشان نزعل من بعض
والتوبيك لما حد بيعمله مش معناه ان كلنا لازم نوافق علي راي صاحب التوبيك ومش معناه اننا نزعل لما حد يعترض ويقول رايه بصراحة

لا تعليق

برده الرد اتعدل بناء على طلب تونى وتايجر
اعمل ايه بس

على فكره ده مش تقليل من نفسى

بس ده احترام للناس الى

حواليه

وده اقل شىء انا ممكن اعمله

لانى فعلا بحبهم

خلاص ياشينكو بقي مش هينفع كده والله مينفعش كده ياجماعة انتو اصحاب
انا مليش حق اني اتدخل بس والله مينفعش كده متكبروش الموضوع
وانا اسف مرة تانية لو كنت بتدخل في حاجة مليش فيها

ياجماعه مينفعش كده اظن ان ده موضوع والكل لازم يرد عليه وانت او انتى عاوزين تردوا على بعض عندكوا الرسايل الخاص لكن انك ترد فى الموضوع نفسوا فاد دا مينفعش ويا جماعه محصلش حاجه ويا سيد انت اديت رايك وبكل صراحه وبعدين مكنلوش لازم الكلام ده ودا على فكره مش احترام للاعضاء عندكوا الرسائل الخاص ممكن حضراتكم تعملوا اللى انتوا عاوزينوا هناك ودا رايى فى الى بيحصل وشكرا
RED ROES

ع العموم انا مش هتكلم تانى ولا هقول اى حاجة
وميرسيه ع الكلام ده

يا جماعه با ختصار اى بنى ادم مهما ان كان اسمه او نوعه او ماركته ها يستظرف وها يتطاول على الادارة او اى حد

من المنتدى داخل المنتدى هايترمى برررررررررررررة ومايلزمناش لانه مايستحقش يفضل معانا احنا هنا المفروض ان

الناس تحترم بعضها احنا مش قاعدين فى خرابه

عندك راى فى اى حد مش عاجبك مضايق منه وصلهوله باى طريقه بعيد عن المنتدى

احنا مش فاتحينه للخناق عندك راى قوله با حترام وكويس ان فيه ناس محترمه عرفت تحل الموضوع

على فكرة انا ما عرفتش غير متأخر بس اناشاء الله نكون احسن من كده

ودا الرد اللى كنت عاوزها بس صعب شويه يا سلطان كنت ممكن توصلهملهم احسن من كده بس المهم هما ان شاء الله محصلش حاجه والتوبيك جميا صافى وربنا يخليكى لينا يا قمر تسلم اديكى

انا مش فاهمه حاجه بس انا مع صفاء دى صحبتى الانتيخ ومعاها فى اى حاجه
بس والمصحف مش فاهمه
بس اى حاجه صفاء تقول عليها يبقى صح وانا موافقاها؟؟؟؟
و
بدون تعليق

ايه اى حاجة كدا وخلاص وانت مش عارفة حاجة ازاى
هههههههههههههه
انتى بتنافقى يا كيكا ولا ايه

ياجماعة انا بقول ان دى وجهات نظر ممكن تكون متناقضة بس عادى
وع العموم ياكيكا ياروحى تسلميلى ياقلبى
وردة ميرسيه وده كان موضوع ى اى موضوع بس مش عارفة ليه حصل كل ده
سلطان بجد سورى لو حصل حاجة ضايقتك بس انا متهيالى انى معملتش حاجة تستاهل كل ده
عبد الفتاح برده ده موضوع زى اى موضوع
اما بالنسبة لانجل فبجد انا بعتبركم اخ وياريت متزعلش لو كان ف اى حاجة سببت لك اى زعل واحنا اخوات رغم اختلاف الاراء ف الموضوع ده بس عادى بقى

» قوانين المنتدى العام
» عذرا ساتخطى الحدود
» هل تعلم ان الرجل اجمل من المراه عذرا سيدتى ولكن هذه هى الحقيقه
» تاريخ النادى الاهلى .. عذرا (اسطوره النادى الاهلى)
» الى اصحاب المنتدى اين راتبى ؟؟؟؟؟؟؟؟؟؟