ياعم ليجنــــــــــــد بالراحه علينا شويه (دا الدين يسر برضه)

""السلام عليكم و رحمة الله و بركاته

الحمد لله و الصلاة و السلام على رسول الله
و بعد

الموضوع دة موجه لناس كتير
- موجه للي مبيصليش و بيقول الدين يسر و لما اكبر هأصلي
- موجه للي لابسة حاجة بيسموها حجاب
و هي لا تمت للحجاب بصلة و بتقول لما أكبر و اتجوز هأبقى ألبس الحجاب الشرعي

-موجه للي بيسمع أغاني و عارف انها حرام و بيقول يا شيخ سيبني اعيش شبابي

-موجه للي بيتفرج على أفلام و عارف انها حرام و بيقول يا شيخ بلاش تشدد بلاش تعصب دة الدين يسر

-موجه للمدخن اللي بيقول هأبطل بعدين و تدريجي مع انه اللي هيبطل تدريجي هيرجع تدريجي و دة معروف

الدين يسر ؟؟؟؟؟؟ صحيح فعلا الدين يسر
بس معناها ايه ؟

هل معناها اني اعرف ان الحاجة الفلانية حرام و برضه اعملها و اقول الدين يسر ؟؟؟؟؟

لو الدين كدة فعلا يبقى دة مش دين ابدا
يسر الدين نابع من تعاليم
انت عارف يعني ايه حرام ؟؟؟؟؟؟

ربنا لما حرم علينا أي حاجة حرمها لحكمة و لما أحل لنا حاجات كتييييييير أحلها لحكمة
بعض الحكم عرفناها و الأكثر لا يعلمه الا الله
ليه تسيب الحلال و تصر على الحرام ؟؟؟
ايه انتمائك للدين طالما مبتعملش بيه
أعرف منين انك مسلم لما اشوفك في الشارع
مستني ايه ؟؟؟؟؟؟ مستنية ايه ؟؟؟؟؟؟
مستني الزيارة الي هتجيلك أكيد
الزيارة اللي بتيجي مرة واحدة في العمر
و بعد الزيارة دي بينتهي العمر

مستني "" ملك الموت يزورك "" علشان ساعتها تتمنى لو أنك كنت مشيت كويس من الاول و تتمنى انك التزمت بشرع ربنا

اقرأ :::: و شوف الفرق اقرأ الآيات و استشعرها بقلبك
قال الله تعالى : "حَتَّى إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ (99) لَعَلِّي أَعْمَلُ صَالِحًا فِيمَا تَرَكْتُ كَلَّا إِنَّهَا كَلِمَةٌ هُوَ قَائِلُهَا وَمِنْ وَرَائِهِمْ بَرْزَخٌ إِلَى يَوْمِ يُبْعَثُونَ (100) فَإِذَا نُفِخَ فِي الصُّورِ فَلَا أَنْسَابَ بَيْنَهُمْ يَوْمَئِذٍ وَلَا يَتَسَاءَلُونَ (101) فَمَنْ ثَقُلَتْ مَوَازِينُهُ فَأُولَئِكَ هُمُ الْمُفْلِحُونَ (102) وَمَنْ خَفَّتْ مَوَازِينُهُ فَأُولَئِكَ الَّذِينَ خَسِرُوا أَنْفُسَهُمْ فِي جَهَنَّمَ خَالِدُونَ (103) تَلْفَحُ وُجُوهَهُمُ النَّارُ وَهُمْ فِيهَا كَالِحُونَ (104) أَلَمْ تَكُنْ آيَاتِي تُتْلَى عَلَيْكُمْ فَكُنْتُمْ بِهَا تُكَذِّبُونَ (105) قَالُوا رَبَّنَا غَلَبَتْ عَلَيْنَا شِقْوَتُنَا وَكُنَّا قَوْمًا ضَالِّينَ (106) رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ (107) قَالَ اخْسَئُوا فِيهَا وَلَا تُكَلِّمُونِ (108) إِنَّهُ كَانَ فَرِيقٌ مِنْ عِبَادِي يَقُولُونَ رَبَّنَا آمَنَّا فَاغْفِرْ لَنَا وَارْحَمْنَا وَأَنْتَ خَيْرُ الرَّاحِمِينَ (109) فَاتَّخَذْتُمُوهُمْ سِخْرِيًّا حَتَّى أَنْسَوْكُمْ ذِكْرِي وَكُنْتُمْ مِنْهُمْ تَضْحَكُونَ (110) إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ(111) " سورة المؤمنون
و قال تعالى : " وَأَنْفِقُوا مِنْ مَا رَزَقْنَاكُمْ مِنْ قَبْلِ أَنْ يَأْتِيَ أَحَدَكُمُ الْمَوْتُ فَيَقُولَ رَبِّ لَوْلَا أَخَّرْتَنِي إِلَى أَجَلٍ قَرِيبٍ فَأَصَّدَّقَ وَأَكُنْ مِنَ الصَّالِحِينَ (10) وَلَنْ يُؤَخِّرَ اللَّهُ نَفْسًا إِذَا جَاءَ أَجَلُهَا وَاللَّهُ خَبِيرٌ بِمَا تَعْمَلُونَ (11) "

سورة المنافقون
عارف ان دة غلط ؟؟ طيب بتعمله ليه ؟؟؟؟
مش عارف انه غلط ؟؟؟ طيب مسألتش ليه ؟؟؟؟؟؟؟

قال الشاعر :
فإن كنت لا تدري فتلك مصيبةٌ
و إن كنت تدري فالمصيبة أعظمُ
مستني ايه ؟؟؟؟ مستنية ايه ؟؟؟؟؟
ا اللي عرفتي ان البنطلون برة البيت غلط و حرام و بتقولي كل حاجة تدريجي مستنية ايه ؟؟

يا اللي عرفتي ان التعطر برة البيت حرام و برضه مبطلتيش
يا اللي عارف ان التدخين حرام مستني ايه ؟؟؟

هتقول : يا شيخ عاوز اخدها تدريجي علشان ماتعبش
بالعكس
على سبيل المثال : التدخين اثبتت الدراسات العلمية ان الاقلاع عن التدخين بالامتناع مرة واحدة يقلل الآثار الجانبية بنسبة كبير بخلاف من يمتنع تدريجيا

قال الله تعالى :"وَمَنْ يَتَّقِ اللَّهَ يَجْعَلْ لَهُ مَخْرَجًا (2) وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا (3) " سورة الطلاق
يا اختي يا اللي مستنية علشان عندك هدوم كتير على الموضة و مستنية تخلصيها و تشتري غيرها هدوم محتشمة
ممكن متلحقيش تلبسي هدومك دي
ممكن ملك الموت يزورك قبل ما تلتزمي بشرع ربنا
مفيش حاجة اسمها تدريجي
مفيش حاجة اسمها نص نص
مفيش حاجة اسمها لما يبقى ربنا يهديني

لو انت سعيت ربنا هيهديك لأنك بتسعى
عمرك سافرت قبل كدة ؟
افترض ان ميعاد القطار الساعة 10 و انت صحيت من النوم 10 الا ربع و بينك و بين المحطة لو خدتها جري حوالي ربع ساعة
هتعمل ايه ؟؟

هل هتستنى و تفكر و اروح و لا لأ ؟
لازم تنزل حالا
لو اتأخرت ثانية هيفوتك القطار
هو دة المطلوب
لو اتأخرت ممكن القطار يمشي و يسيبك و مش هيستنى حد
و ممكن تكون دي الفرصة الأخيرة ليك يا إما تستغلها صح يا إما ترجع تقول يا ريت
و الله أعلم هل هتقول ياريت في الدنيا و لا هتقولها يوم القيامة

الحق نفسك
الحقي نفسك
عرفت انه حرام خلاص يبقى في لحظتها لازم تمتنع
لو مش عارف ليه مبتسألش ؟
لو عندك مشروع هتعمله دراسة جدوى و 2 و 3 ليه في الدين لأ ؟
ليه مبتسألش في دينك ؟؟ليه مبتسألش عن الصح

يا ليجنـــــــــــــــــــد انا عملت و عملت
برضه مش مشكلة لو هتلحق نفسك حالا
انما لو ترددت مقدرش اضمن
و الراهب اللي دله على التوبة اشترط عليه شرطين :
انطلق ..... و لا ترجع

سيب المكان اللي فيه المعصية و روح للمكان اللي فيه الناس الصالحة
سيب المكان اللي بيجبرك تعصي

مستني ايه ؟
مستنية ايه ؟
طيب عاوز تتوب ؟؟؟
و معقولة ربنا يقبلني ؟؟؟

أكيد
اقرأ :: عَنْ أَبِى هُرَيْرَةَ عَنِ النَّبِىِّ -صلى الله عليه وسلم- فِيمَا يَحْكِى عَنْ رَبِّهِ عَزَّ وَجَلَّ قَالَ « أَذْنَبَ عَبْدٌ ذَنْبًا فَقَالَ اللَّهُمَّ اغْفِرْ لِى ذَنْبِى. فَقَالَ تَبَارَكَ وَتَعَالَى أَذْنَبَ عَبْدِى ذَنْبًا فَعَلِمَ أَنَّ لَهُ رَبًّا يَغْفِرُ الذَّنْبَ وَيَأْخُذُ بِالذَّنْبِ. ثُمَّ عَادَ فَأَذْنَبَ فَقَالَ أَىْ رَبِّ اغْفِرْ لِى ذَنْبِى. فَقَالَ تَبَارَكَ وَتَعَالَى عَبْدِى أَذْنَبَ ذَنْبًا فَعَلِمَ أَنَّ لَهُ رَبًّا يَغْفِرُ الذَّنْبَ وَيَأْخُذُ بِالذَّنْبِ. ثُمَّ عَادَ فَأَذْنَبَ فَقَالَ أَىْ رَبِّ اغْفِرْ لِى ذَنْبِى. فَقَالَ تَبَارَكَ وَتَعَالَى أَذْنَبَ عَبْدِى ذَنْبًا فَعَلِمَ أَنَّ لَهُ رَبًّا يَغْفِرُ الذَّنْبَ وَيَأْخُذُ بِالذَّنْبِ وَاعْمَلْ مَا شِئْتَ فَقَدْ غَفَرْتُ لَكَ » رواه مسلم
مهما عملت طالما لحقت نفسك و رجعت لربنا و بصدق نية ربنا هينطبق عليك :: قوله تعالي : " قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ (53) وَأَنِيبُوا إِلَى رَبِّكُمْ وَأَسْلِمُوا لَهُ مِنْ قَبْلِ أَنْ يَأْتِيَكُمُ الْعَذَابُ ثُمَّ لَا تُنْصَرُونَ (54) " سورة الزمر
هنختم كلامنا بدليل لو انت عاوز ترجع لربنا فعلا
دليلك إلى التوبة :
شروط التوبة :

الأول: الإقلاع عن الذنب فوراً.
الثاني: الندم على ما فات.
الثالث: العزم على عدم العودة إلى الذنب أبدا .
الرابع: إرجاع حقوق من ظلمهم، أو طلب البراءة منهم.
دلوقتي عندي سؤال واحد
مستني ايه ؟؟؟
مستنية ايه ؟؟؟

ياريت اللي يرد يرد لو كان فعلا ناوي يتغير من اللحظة دي و لو مكانش ناوي يبقى يراجع نفسه
اللهم اجعلنا ممن يستمعون القول فيتبعون احسنة اولئك اللذين هداهم الله واولئك هم اولي الالباب
وجزاكم الله خيرا
والسلام عليكم ورحمة الله وبركاته

اكيد معظمكم هيقرا الموضوع ويقول ليجند عامل لنا فيها شيخ ولا ايه
ويخرج ولا كانه قرا حاجه
وفى اللى هيرد علشان يبقى ايه عمل اللى عليه
بس بجد يا ريت الموضوع يكون فرق معاك فى حاجه
ساعتها كده بس هبىق انا مبسوط مش مهم ردك يكون كويس
مش مهم تقولى موضوعك كويس
موضوعى بس يبقى كويس لو انت استفد منه
اتمنى التوفيق للجميع
ليجنـــــــــــــــــــــــــــــــــــــــــــــد

ايه يا شمعون انت اللى بتقول الكلام ده بجد ولا حد سارق الباسورد بتاعك وبيدخل منه غريبه اوى الحكاية دى

بس اهو تسلم ايدك ونتمنى ان ربنا يهديك وتعرف ان الاسلام هو الدين الصح

طبعا الاسلام هو الدين الصح وبعدين كويس يا ليجند بردوا ثانكس توبيك يا قمر وتوبيك هايل ويارب يثبتنا بالقول الصادق فى الحياه الدنيا والاخره ويدخلنا انا واياكم جنات عدن

الله

الله الله
الله الله الله
الله الله
الله

كل زى الفل
تسلم ايدك على التوبيك الرائع ده
ونحن فى انتظار المزيد من هذه المواضيع الجميلة دى

اسلوبك ف التوبيك روعه
تسلم ايدك وجزاك الله خيرا

ايه يا شمعون انت اللى بتقول الكلام ده بجد ولا حد سارق الباسورد بتاعك وبيدخل منه غريبه اوى الحكاية دى

بس اهو تسلم ايدك ونتمنى ان ربنا يهديك وتعرف ان الاسلام هو الدين الصح

زى ما سلطان قال بالظبط

» ولا فاهم حاجه ادخل انت يمكن تفهم بس برضه شويه كلام زى العسل
» ماتبص ادامك ياعم ... دة انت رخم صحيح !!!!!!!
» ياعم امسك ايدها وريحها
» شويه نكت فى منتهى الرخامه ؟؟؟؟؟؟؟؟؟؟؟؟؟؟
» تعالو نلعب شويه