اتفرج عليهم اتقابلو الحب شعشع بينهم اتجوزو عرفى بس اوع تظلمهم كان ليهم اسبابهم

ستـــة أسباب عبيطة خلتهم يتجوزو عرفـى

دلوقتى أى واحد وواحدة الحب مشعشع بينهم يقولو
الجـــواز العرفى هو الحــــل

ولــو على التكلفــة محدودة جــداً..
ورقــة مقطوعة من كشكول المحاضرات اللى مليان بكلمات الحب والهيــام ومفيهوش ولا محاضرة ..
+
علبتين كانز لتامر وهيثم اللى هيشهدوا طبعاً..

(والورقة إضربت يا باشا)

بس إحنا يا باشا ماشين قانونى ..!!

كيــس شيتوس لنهــى اللى هتطرع زعرودة فى قلب الجامعة عشان نبقى عملنا الإشهــار..

دا طبعاً+30 جنيه إيجار للاوضة الرايقة اللى هيأجروها فى أنضف فنادق العتبة عشان يقضوا شهر العسل
وطبعا الشهر ده (one day)..
او ممكن يكون عندهم مدخل13

بعــدها البت هتكتشف إن اللى عملته دا فظيع وشنيع جداً..

وهتصوت وهتلم عليــه النــاس..
والنهــاية هتبقى فى القسم إن شاء الله

الســطور الجــاية دى اللى هى:

الأسباب العبيطة ولا مؤاخدة

بعضهم بيخدها ذريعة للجواز العرفى..

وعشان هى أسباب عبيطة
فهى طبعا عبيطة.

ولا ايه رأيــكم..؟

الإستعــجال

مفيش وقت خآلص
الحيــاة قصيرة أوى يا جدعان
هعيـــش حياتى إمتى بقى؟؟؟
(أكتر الأسباب العبيطة شيوعاً)
تيجى تسأل البت والواد ليــه عملوا كدا..
البنت بكل بجــاحة:إإحنا عارفين إن احنا هنتجوز بعد ما نخلص..
بس أنا موش بقدر أعيش ولا يوم من غير ما أشوف سيد..
وفى نفس الوقت .........
هتلاقى سيد بيقولك بكل تناحة:
أنا عارف إن ممكن أتجوز حلاوتهم فى خلال سنتين ..بس موش حرام نضيع السنتين دول من عمرنا فى الهوا
يرضى مين دا؟؟؟؟؟؟!!!
هو طبعاً يرضينى
لسبب بسيط (موش عبيط)
إن العلاقة بين البنت والولد لو منضجتش على نار هادية..
هتكون نيــة..!!!
ليه بقى؟؟؟؟؟؟
لإإن فى أول قطمة منها هتبقى لذيذة وحلوة..
لكن بعد كدا هتحس إنك بتآكل فى لحم رخيص(مش بتاع ايناس الدغيدى)
هيبقى مالوش طعم..
بعد وقت قليل جداً هتلاقى نفسك بتدور على طعم تانى جديد..
نفهم إيه من كدا بقى؟؟

إإن اللى بيجى بسرعة ..بيضيع بسرعة.. بس دا على الفلوس..
فمــابالك بقى لو بنى آدم...؟؟!!

الأهــل رافضيــن

بابا حالف يطلق ماما لو إتجوزت سيد..
ولو كنت اخصائى إجتماعى هتلاقى حلاوتهم بتعيطلك بحرقة وهى بتعترفلك::
والله يا أستــاذ حســونة مكنتش عايزة اعمل كدا
اهئ اهئ اهئ...
بس سيد جه وإتقدملى

وبابا راسه وألف سيف إنى متجوزوش

ماله سيد؟
وحش سيد؟
دا حتــى درفة وملو هدومــه
بابا طرده من البيت ومسبوش حتى يكمل كلامه..
وحلف بالطلاق غنه ميدخلش سيد بيتنا تانى.. ليه وعشان ايه كل دا؟؟
ماله سيد؟
وحش سيد؟
دا حتى كسيب وبيتاجر فى الــ -----
بيتاجر فى الـ --- يعنى بيتاجر وخلاص..
طبعا استاذ حسونة بيحن وقلبه يرق وبيقتنع بالكلام..
بس لو فعلاً بابا حلاوتهم عنده أسباب ترفض سيد؟؟؟

ولو كان سيد فعلاً غير مناسب ليها؟؟؟
ولو باباها يعرف عنه اللى هى متعرفوش؟؟؟؟؟؟

هنفهم إإيه بقى من كدا؟
إإن رأى الأهل فى الأغلب_إن لم يكن دائماً_ بيكون على صواب
حتى إسألو حلاوتهم..

الظروف الإقتصاديـــة

مفيش فلوس ....حتى إسألوا
نجلا..!!!!!!!
كان سيد بيقعد على قهوة أحلى من الشرف مفيش..
وهو بيشد نفس من الشيشة بيقول لصاحبه اللدود عبده توكل:كح كح..
تعرف يا عبده انا اتجوزت البت حلاوتهم ليه؟؟؟؟؟

ماتقولى ليه؟؟؟
ماتقول يا جدع !!
آه نسيت إنك أخرس..
أقولك أنا ليه
عشـان مفيش فلوس..
هو إحنا لاقيين نآكل..
هو إحنا لاقين نشرب الشيشة..كح كح...
لما نلاقى نجيب عفش وشبكة وشقة وكلام فارغ من دا..
ومش أنا لوحدى اللى بقول كدا..
دا حتى الست المحترمة نجلا غنت وقالت كدا.

بح..خلاص..مفيش..شطبنا..!

أيوة هى كان قصدها على الفلوس..
مش مصدقنى؟؟؟؟؟؟
لأ هى قصدها على الفلوس مش أى حاجة تانية...

إإحنا ممكن نتعاطف مع سيد لو حاول إنه يعمل حاجة وفشل..
لو دققنا النظر هنلاقى ان سيد جته وملو هدومه..
ودا موش كلامنا دا كلام حلاوتهم..
يعنى لو سند على الحيط هيهده(صحة يعنى)
طب ليه يا سيد مدورتش على شغل..؟؟
ليه اكتفيت إنك تشرب شيشة وتتفرج على نجلا وخلاص؟؟
طب ونفهم من دا إيه؟؟؟؟
إإن الشيشة مضرة بالصحة
ههههههههههههه

التقليــــد

اممممم..!!!

سبب عبيط فعلاً

هتلاقى داليا سعيدة جداً وهى ماسكة إإيد أحمد بعد ما اتجوزا عرفى وبتقوله:
كنــا بنحب بعض...
ومش عارفين كنا هنقدر نتجوز إمتى...
لغاية ما إتعرفنا على سيد وحلاوتهم..
هما اللى قالولنا على الطريقة المفتكسة دى ومتكلفناش حاجة..

ممكن نبقى نقول لاهلنا بعدين..
نحطهم قدام الامر الواقع يعنى ..

لما أكون خلفت ياسمين وشادى
انا ناوية اسميهم كدا..
كنت بفكر اسميهم سيد وحلاوتهم ..
بس لاقيت الاسمين فرافيرى شوية ...

يعنى السبب دا أشبه بتقليد الملابس والسلوكيات اللى بنقتبسها من الغرب طبعاً..
من غير أى فهم ولا رجوع لعادتنا وتقاليدنا..(ما يصلح لزيد..لا يصلح لعبيد)
فما بالك ..لو ان اللى كل بيعمله زيد اصلاً غلط..!!! هتقلده؟؟؟؟؟؟؟
ياريت عبيد يفهم
نفهم من كدا إإيه
زيــد غلطاته كتير حتى إسألوا عبيد

التجـــربة

الواحد لما يروح يشترى قميص جديد بيعمل ايه؟؟؟
بيجربه...
زى سيد وحلاوتهم بيعانو من مرض البلاهة منقطعة النظير..
لإإنهم هيقولوك بكل ثقة:
إحنا قولنا نجرب..
بدل مانعمل حاجة فى الحرام..
قلنا نتجوز عرفى..
لو غكتشفنا غن الجواز بينا حلو..
وإن اننا مرتاحين لبعض..
وإن ممكن نكون اسعد زوجين فى العالم..
أكيد ..أكيد هنعلن جوازنا..

ونتجوز رسمــى(لما تشوف قفاها طبعاً)

ياريت نفهمها ..وبلاش رجعية
كل حاجة اليومين دول قابله للرجعية,,
زى ما قولت لو بتقيص قميص وبتجربه وقطعت كمه ؟؟؟؟
مين هيدفع تمنه؟؟؟
مش إإنت؟؟؟؟
فمابالك لو القميص كله إتقطع وإإنت بتجربه؟؟؟؟؟
مين هيدفع التمن؟؟؟؟
نفهم إيه من دا بقى؟؟؟
منروحش محلات وإحنا عارفين إنها بتبيع ملابس مضروبة
ههههههههههههههههه

الحــــب

ربما يكون السبب دا اكتر منطقية وأقل عبطاً من اللى قبله..
من وجهة نظر المتقدين على الجواز العرفى..
هتلاقى سيد بيبصلك وبيبحلق وبيقول:
بحبهـــا ياد..!!
دى حتى خليتنى اكتب فيها كلام بالفصحى..
فسح كدا فى القعدة ..
وإإسمع ...
عندما أراها بعيدة عنى ..
يذوب قلبى ويصبح كحبـة
فيتامين سى..
عندما تضعها هى بأناملها الرقيقة فى كوب من عصير القصب..
آآآه...من المآآآء
شوفت الحب عمل فيا إيه ياد..

وهتلاقى حلاوتهم وهى واقفة مع اختها الصغيرة بتغسل الأطباق..بتقولها:
تعرفى.. أنا بحب سيد دا موووووت..
دا خلانى اكتب عنه كلام بالفصحى..
حتى إإسمعى..
عندما أراك يا سيد..
تتجمع ذرات قلبى التى ذابت فى قرص فيتامين سى,,
عندما بعدت عنى ورجعت مرة اخرى تسكن فى قلبى ..
ذكرتنى بطعم الفرتقال الحقيقى الذى غاب عنى..

وبكــدا قرروا يتجوزا عرفى نظراً لإشتراك كوب الماء الذى جمع بين قرصى الفيتامين(القلبين

بس.. لو إنكسر الكوب دا؟؟؟؟
ولو حطينا قرصي الفيتامين فى كوب واحد بس ماية مالحة؟؟؟؟
هيكون فى طعم للبرتقال؟؟؟؟؟؟

حســبى الله ونعم الوكيل
فى الولاد والبنات اللى هتخلى البلد تتقدم..!!
أيوة هتتقدم فعلاً
بس لورى فى الإإتجــاه الغلط ..

ههههههههههههههههههههههههههههههههههههههههههههههههه
لا بجد الجواز العرفى مش وحش فى كل الاحيان
ولا ايه
توبيك رائع تسلم ايدك

هههههههههههههههههههههههههههههههههههه
ههههههههههههههههههههههههههههههههههه
ايه الشغل الجامد دا
من اولها جواز عرفى وحاجات من دى
ربنا يستر على الباقى
ومدخل 13 بقى تبع الحاجات دى
منك لله يا اسلام

فضحت المدخل

بس بجد الجواز العرفى بيبقى ناتج عن قله الدين عن الولد والبنت
وطبعا التربيه برده

لا نظلمهم ايه

انا قلبى كبير وبيقدر برضه

مدخل 13

خلاص بقه اشهر مدخل دلوقتى
ههههههههههههههههههههههههههههه
ههههههههههههههههههه

الله يخرب بيت النت
اللى بوظ اخلاق الناس

الله يخرب بيتك
من اولها كدا
داخلة فى دور الجواز العرفى
وايه
ومدخل 13
يا شيخة حرام عليكى سيبى المدخل فى حاله

لا تسلمى يا صافى
الجواز العرفى حلو
ايه رايك يالا نتجوز بقى

بس تسلمى موضوع روعة

انا عارفة انه موضوع ساخن شوية بس حلو والله
وانت يا استاذ عبده مش انت اللى مش عاوز تقابل بابا اعملك ايه يعنى ولا لازم ناكل هريسة
وبعدين قلتلك انا بحب الواد حسن اللى انت بتكرهه ده

ايه رايك ياعمرو بذمتك مش مدخل13 هيكون احسن من تاجير اوضة يلا نكلم اسلام يعملهم تخفيض

ميرسيه ياعلى ع مرورك وبعدين مش النت بس اللى بوظ اخلاق الناس دلوقتى الواحد بيتولد اخلاقه بايظة طبيعى

جواز عرفى

اهلا بيكم

بجد حاجه تفرح

على العموم لو عندك عروسه يا صافى انا موجود

عرفى عرفى مش هتفرق

اهو نساعد ونحل ازمه العنوسه فى البلد

ههههههههههه

الاول تسلم ع مرورم
ثانيا ماشى عروستك عندى وهتعجبك اوى كمان

اتفرج عليهم اتقابلو الحب شعشع بينهم اتجوزو عرفى بس اوع تظلمهم كان ليهم اسبابهم RjZ77707

ههههههههههههههههههههههههههههههههههههههه

مش لقيا الا مرفت

انا عاوز حاجه اصغر من كده

حاجه تكون تملا العين

ههههههههه

ماشى فى سعدية بس ايه موز بس للاسف مش هينفع اوريك صورتها عشان لسا
عشان الدكتور مانع عنها الزيارة
بعد ما البوتجاز فرقع ف وشها بس لما تقوم بالسلامة هكلمهالك

ع فكرة سعدية بتقولك انها موافقة بس تشوفك لاول عشان ممكن انت متعجبهاش

هههههههههههههههههههههههه
جامد الموضوع يا صافى
بس افتكر كفاية كده كلام على مدخل 13
عشان هو خلاص اتحسد وسمعته بقت ورد فى الجامعة كلها
تسلم ايدك يا باشا على التوبيك

هههههههههههههههههههه
نعمل ايه عاوزين نجيب للمدخل زباين اسلام برده حبيبنا ولا ايه تسلمى ع مرورك ياقمر

ههههههههههههههههههههههههههههههههههههههههههههه

هههههههههههههههههههههههههههههههههههههههههه

هههههههههههههههههههههههههههههههههههههه

انا معجبهاش بصراحه مش عارف اقول ليكى ايه

كل الى اقدر اقوله

No Comment

» موضوع: كلام عن الحب,انا عندى كلام عن الحب ومشاكله وازاى نحافظ عن الحب ونحل مشاكله
» اتفرج وقول رايك
» كلام عن الحب, اجمل ما يمكن ان يقال في الحب
» الحب والناس..(الحكايه السابعه : الحب والحرام ) ص49
» ليس من يتكلم عن الحب كمن يتألم من الحب