حبة نكت زى العسل

واحد بيقول
لمراتة : تصدقي جارنا بيقول انه خان مراته مع ستات العمارة كلهم الا واحده بس؟
قالت لة أكيد الولية الرخمة اللي في الدور الرابع!
**************************************

عريس مسطول على الآخر في يوم فرحه..بعد المعازيم مامشيوا دخل البيت لقى العروسة
قاعدة،

قال والله انا كنت متأكد انهم في الهيصة دي هينسو حد

*************************************************

واحد بيقول لصاحبه انت عارف في عيد جوازي الاول اخدت مراتي في رحلة للصين...
قاله يااااااااه... امال في عيد جوازك العشرين بقي هتعمل ايه... قاله هروح اجيبها
من الصين

**********************************************

يحكى
أن صياداً عاد إلى زوجته وهو يحمل سمكة كبيرة طالباً منها أن تقليها في الزيت
فاعتذرت له الزوجة لأنها لا تملك زيتاً بسبب إرتفاع سعر الزيت فطلب منها الصياد أن
تشويها فاعتذرت له بسبب إختفاء الردة وارتفاع سعر أنبوبة الغاز فى الأسواق فطلب
منها أن تطبخها مع الصلصة فلما علم أن سعر كيلو الطماطم قد وصل إلى خمس جنيهات أخذ
السمكة وألقاها غاضباً في البحر مرة أخرى وهنا هتفت السمكة وهي في الماء تحيا
حكومة جمهورية مصر العربية.

*************************************************

واحد
مسطول ماشي في الشارع لقى عمود نور مكتوب عليه شقه للإيجار راح قعد يخبط على
العمود لغاية مجاله مسطول تاني قاله بتعمل ايه هنا قاله اصلي لقيت مكتوب شقه
للإيجار قعدت اخبط ومحدش فتح لي قاله غريبه مع ان الجماعه منورين النور فوق

*************************************************

مرة واحد بيعدي الشارع مع
صحابه خبطته عربية مات.
نقوا واحد منهم عشان يقول لمراته فراح لها فتحت له الباب قال له: ' جوزك ضيع كل
فلوسه ع القمار'
قالت له: ' إلهي ينشل البعيييد!'
قال لها: ' و باع البيت'
قالت له: ' إلهي يبيعوا عنيه!'
قال لها: ' و اتجوز عليكي على فكرة'
قال له: ' إلهي يدخلوا عليا شايلينه'
الرجل قال: ' بس.. خشوا يا شباب...'
*************************************************

واحد بلدياتنا كان راكب
الطيارة هو و ابنه وكان في الطيارة عصام الحضري, فالطيار قال احنا لازم نستغل فرصة
ان معانا عصام الحضري و نعمل مسابقة نسلي بيها الركاب.
راحوا قايلين لبلدياتنا احنا حنفتح باب الطيارة و حيقف الحضري عليه كأنه جون و انت
حترمي عليه ابنك , و ما تخفش ده احنا معانا الحضري.
و وافق بلدياتنا و وقف الحضري على باب الطيارة, و بلدياتنا مسك ابنه و قام مهوش
يمين قام الحضري ناطط يمين, راح بلدياتنا رامي ابنه شمال

*************************************************

واحد احول وواحد اهبل فتحوا
محل طعمية الاحول بقى يعمل الطعمية و يحطها برة الطاسة ،و الاهبل يقول طشششش !!

*************************************************

واحد نذل كان ناذر نذر انه
لو خلف ولد يصوم عشر أيام و فعلاً ربنا أكرمه و جاب ولد و الراجل صام العشر أيام
بعديها بكام يوم الولد مات الراجل النذل خصم العشر أيام من شهر رمضان!
*****************************************

رئيس دولة فقيرة زار أحد الدول الخليجية فاستقبله الأمير ورحب بيه وقال خذوه لقصر الضيافة،
فقال الرئيس الضيف : لا أنا عاوز بدل سكن

***************************

في مدرس يدرس في المرحلة الابتدائية سأل أحد الطلاب
طير بيتكلم وأول حرف منه الباء ؟
فرد عليه الطالب وبسرعه : الببغاء

فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟

راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس
فقال المدرس : شايفين ولاد المهندسين

بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : خلف
أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى

مهو لو التمساح مطارشى الاستاذ هو اللى حيطير
*****************************************

-
في احدى الدول قام الرئيس بالقاء خطاب على الجمهور فوقف فرد من الشعب وقال
له يا سيادة الرئيس عندي مشكلة، فقال له : اتصل على الرقم المجاني

********************************
مره توني بلير و بوش و حسني مبارك عمله ماتش كوره
و همه بيلعبوا الكره وقعت في بحيره مليانه تماسح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام حسني مبارك امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش و اربيهم
******************************

واحد معدي لقي ناس ملمومة على عمارة قالوهم في أية قالوله في واحد
صعيدي عايز يرمى نفسه من فوق السطوح فطلعله وقاله أنت عايز تنتحر ليه قاله
عشان أنا غبي وكل الناس بتقول على غبي فقاله حقولك فزورة لو حلتها ماتبقاش
غبي حاجة اسمها زى شكله فقاله ماخبرش فرد الراجل وقاله ألبيضه وبعدين قاله
طيب حاجتين اسمهم زى شكلهم فقاله برضه ماخبرشفرد الراجل وقاله بيضتين طيب
حقولك حاجة بسيطة وسهلة كبيرة وسودا و اسمها جاموسة رد الصعيدي وقاله 3
بيضات مسكه الرجل وي رماه.

***************************************
مرة واحد بلدينا نده على بتاع الأنابيب قال له : هات أنبوبه هنا
جاله بتاع الأنابيب بالأنبوبة و قاله فين الأنبوبه الفاضية بلدينا قاله لا هشربها هنا
************************************

كان فى واحد شكله وحش قوى قوى قوى عايز يتجوز فراح و

اتقدم لواحده فبيقول لابوها: انا يا عمى و بلا فخر عملت نفسى

بنفسى قاله : ما انا برده بقول استحاله تكون خلقة ربنا
**********************************

واحد بلديتنا طلع فوق الكوبري وقال يابوي كل دي بلكونة

**********************************************
للمصري اربع زوجات
واحده فلبنيه تخدمو
واحده لبنانيه تدلعو
واحده سوريه تطبخلو
وواحده مصريه تطلع عينو وعين ام التلاته الي معاه
*****************************************
واحد ركب القطر جنب واحد صعيدي
الراجل قال للصعيدي:انا بردان من الشباك
الصعيدي قاله :وانا عوضين من اسيوط اهلا بيك
***************************************
واحد صعيدي قرا علي كيس لبن كلمة خالي من الدسم....راح قايل يا سلام وايه يعني منا خالي من اسيوط
*********************************************
واحد بيقول لصاحبه :
شايف الست اللي وآقفة هناك دي؟؟
بتضرب كل يوم جوزها بالجزمه!
قاله : وعرفت إزآآي؟
رد : اصلهآ مرآآآآتي
****************************************
مرة ولد شاف قطة فى الشارع قال لأخوه انا هاخد القطة دى اغسلها و
اربيها.اخوه قاله لو غسلتها هتموت و سابه و مشى..... رجع بعد ساعتين لقى
اخوه بيعيط وبيقوله القطه ماتت.... قاله مش قولتلك لو غسلتها هاتموت ،
قاله ماماتتش و انا بغسلها ماتت و انا بعصرها
****************************************

مرة وحدة قالت لجوزها "إهدى يا حبيبي كده وارجع زي زمان"، الراجل طلقها ورجع لأيام العزوبية
*********************************
سكران بيقول سبحان الله الانسان زي البني ادم لما بيتوفى بيموت
*******************************

ظبطو 10 بلديات بيشمو اسمنت ابيض

*******************************************

يارب يارب يارب يعجبكوم واللى مش تعجبه النكت مش عاوزين ضرب انا بقولكم اهو

بجد جامدة موووووووووووووت يا مصطفى تسلم ايدك ويارب تقبل مرورى

..........شكرا على المرور..........

ومالك بتقولها ليه كده من غير نفس

ههههههههههههههه ثانكس مصطفى جامدين اوى

ههههههههههههه احلى واحده الاولى تسلم ايدك

هههههههههههههههههههههههههههههههههههههههههههههههه
جامدين جدااااااااااااااااااااااااااااااا
تسلم ايدك

هههههههههههههههههههههههههههههه جميله يا مصطفي النكت تقبل مروري

هههههههههههههههههههههههههه
هههههههههههههههههه
هههههههههه
هههه
هه
ه
جمدة والله تسلم

تسلم ايدك يا درش
حبه نكت من على وش القفص

ههههههههههههههههههههههه
جامدين يا صاصا تسلم يا قمر

جامدين يا مصطفى تسلم ايدك

هههههههههههههههههههههههههههههههههههههههههههههههه

جامده جدا يا مان

انت اكيد مش عارفنى

انا ابراهيم اخو احمد الشافعى

هههههههههههههههه
ايه خفة الدم دى يامصطفى
والله انت زى العسل

» قصيده زى العسل ادخل وشوف
» ولا فاهم حاجه ادخل انت يمكن تفهم بس برضه شويه كلام زى العسل