مش " بحبّك "

مش " بحبّك "

لسه لامحاني فـْ ما بينك
صافية جداً
عن مراية مْشوِّشاني
وانتَ محْني ع الحروف بتشدّ جفنك م التعَب...
وبْترخي رمشك ع الكلام...
من غير ما اقولّك خدني فيك ويّا النفَس...
تتعبّى من روحي وْتنام...
يتهدّ خوفي جوّه قلبك
واقعد أسرح
نفسي اشوفني أول الورد امّا يفتَح..قلبُه..
ويبعتر ملامحي/ وْ كلمتينك...
الليلادي!!
..وانت بتوشوش عيونُه
"" ......... ""
والضُم الحلم فِـ وْداني
واسهر اتسمّع _ بِخِفّة ..
إنتَ كنت مْخبّي إيه!!
واقعد استنّى بْهداوة الصُّبح يِطلع

.........................

سرّح الفجر بْرموشك
وانت توّك صاحي لسّه
فـنّط الطيف اللي ردّت روحه فينا
واؤمرالأحلام تقف تفرك ماضينا
ع الهوامش م الشوارع.....
اللي حاسه../
قد إيه دابت خطانا جوه منها
واحنا بندوّر عليـنا
مَشِّي حِسَّك عَ الغناوي اللي ابتديتنا..
واشتكيتنا..
لمّا كنّا صْغيّرين..
لمّا كنّا صغيرين في الحب قصدي!!
لـمّا كُنّا....
لسَّه مبنعرفش نسمَع!!
وانت تعرف..
إنّـنا اصحاب الحكاية وْ....
"" لو حكينا يا حبيبي نبتدي منين الحكاية
إحنا قصة حبنا ليها أكتر من بداية""

..............................

فِكرك انّي ممكن أزهق..إنّي اعيش!!
إني أخرج من ضلوعي ..برَّه منّك!!
مش هينفع!
من زمااان...كنت فاكرة انِّ الحياة شْوية مفيش
لو نعيشها باللي رايح..باللي راجع ..
باللي يمكن مش هيرجع!
بالزوايا اللي اختاريتنا واختاريتها..
تشوفنا منها
مش هتفرق!
لسّه فاكر؟
شمس أول يوم حدفنا ع َالحقيقة!!..وْ هيّا طالعة تغير علينا
وفـْ غِيرِتـْها ..عَ اللي فينا..
صْحينا..فُوقنا
تفتكِر بعديها أمشي!!
ولاّ اخاف م الشمس تحرق طرف رمشي
مهما يحصل!! ...
مش هينفع!!
....

مش "بحبـَّك"
لو في كلمة تحسّ أكتر
كنت أقولّك!!
..

ممكن بس لون تانى لان الون ده مش واضح
ولك جزيل الشكر
من امام مش بحبك ومش فاهمين

انا مش شايف حاجه
بس هظبتهولك بس ياريت تبقى تعمل استعراض يا كيمو
علشان تشوف شغلك

حلو اوى على فكرة وتسلم ايدك علية وجاااااااامد جدااااااااا

تسلم يا نينو على تواصلك الدائم مع مواضيعى

شكرا على ردك يا قمر

توبيك جامد تسلم يا قمر حلو أوى

شكرا على مرورك يا قمر

تسلم يا حكيم
توبيك جميل جدا

شكرا يا صاصا

» خاص : " إيهاب على " جميع اللاعبين جاهزين للقاء إنبي .. وتحديد موقف " إكرامي " الأربعاء
» وقفة قبل الندم ""سيئات جارية"""
» جماهير الأهلى تهاجم حمدى والبدرى:وتؤكد:"الله يرحمك يا كابتن صالح..الأهلي اتهان بعدك"-وجوزيه "أرجل" من البدرى
» .::. ثمرات الصلاة على نبينا محمد " صلى الله عليه وسلم " .::.
» المحمدي يقود الزمالك لفوز سهل على الإنتاج "المستسلم" بالدوري