المحقق ليجند يعود من جديد

الو مين معايا
انا ياليجند الحقنى الفيلا بتاعتى اتسرقت ياريت تحضر بسرعة
اوكى انا فى الطريق اليك وانتقل المحقق الى مسرح الجريمة
ايه اللى حصل بالظبط ياتايجر
والله انا مش قادر أجمع أفكارى لان اللى اتسرق من الخزنة اوراق مهمة جدا ومجوهرات ومبلغ نقدى كبيرحاول تفتكر كل حاجة كل التفاصيل ومتنساش اى حاجة حتى لو كانت بالنسبة لك تافهة
خلاص أنا هرجع معاك ليومين فاتوا وبالتحديد يوم مارجعت من الاجازة
وقتها كان كنج شريكى جه يزورنى فى البيت ويسلم عليا
ازيك ياتايجر حمدا لله على السلامة
الله يسلمك ياكنج أخبارك ايه
الحمد لله أنا عايز أكلمك فى موضوع مهم اوى
خير ياكنج
هو تقريبا مش خير من يومين اتعرض شريكنا التالت فى الشركة بيبو للسرقة واتسرقت منه اوراق مهمة واوراق خاصة بالشركة
وأنا كمان اتعرضت لمحاولة السرقة بس اللص معرفش مكان الخزنة
انت قلقتنى ياكنج تفتكر مين اللى عمل كدة
مش موضوع مين اللى عمل كدة الموضوع ان اللى بيسرق عارفنا احنا التلاتة وانه اذا محاولش يسرقنى تانى معنى كدة ان الدور عليك
ياخبر زى بعضه طيب وانا هتصرف ازاى
فيه حاجتين لازم تعملها ضرورى اول حاجة تبلغ الشرطة وتانى حاجة تاخد ده معاك
ايه ده؟؟؟
متخافش دا مسدس صغير تقدر تشيله فى جيبك علشان يحميك بس انا عايزك تجربه الاول
تجربة ايه انت ناسى انى كنت بطل فى الرماية
ياعم انا مانسيتش بس لازم اطمن عليك جربه فى اى حاجة متقلقش
خلاص هجربه انت شايف الغصن اللى هناك ده ايه رأيك وقعته من اول رصاصة ايوة كدة انا اطمنت عليك ان شاء الله انا هجيلك بالليل تانى
اوكى انا هنتظرك
مع السلامة
وفى المساء زارنى كنج وجلسنا سويا فى حجرة المكتب التى بها الخزانة ذهبت واحضرت له الشاى
لان الخادم كان واخد اجازة فى اليوم ده ثم جلسنا مع بعض لمدة ساعة وبعدها انصرف مجدى
وايه اللى حصل بعد كدة ياتايجر
قعدت على كرسى المكتب وغمضت عينى شوية حسيت بحركة غريبة فتحت عينى لقيت واحدمقنع بيدخل من النافذة
مسكت المسدس من على المكتب واطلقت عليه الرصاص من شدة خوفى فرغت فيه المسدس كله
ولما خرجت ابلغ الشرطة رجعت تانى المكتب فلم أجد الجثة ووجدت الخزنة مفتوحة وخالية من كل شىء فيها
ازاى حكمت على الشخص دا بانه اصبح جثة مش يمكن كان لابس درع واقى من الرصاص
مستحيل ياليجند على فرض انه لابس الدرع ده على صدره ورأسه أنا اطلقت عليه اربع رصاصات
على صدره وواحدة على دماغه وواحده على رقبته واكيد الطلقة اللى فى رقبته كفيلة بأنها تقتله
فعلا عندك حق بس عايز أسألك سؤال انت متعود تحط المسدس على سطح المكتب انا قلت بس علشان يبقى ادامى وقت مااحتاج له
ماشى ياتايجر ممكن تقول لى مين اللى كان فى الفيلا وقت الجريمة
مفيش غير البواب والخادم كان واخد أجازة
وهو من عادته ياخد أجازة
ابدا هو طلب يوم اجازة وانا وافقت
مش هو ده الخادم اللى فتح لى الباب ا وأنا داخل
لا دا واحد تانى أصم وأبكم
ازاى اصم وابكم انا سالته عن حجرة المكتب دلنى عليها
هو عنده المقدرة انه يقرأ حركة الشفايف ويفهمها
ايوة مظبوط علشان كدة كان بيبص لى باهتمام وانا بكلمه
بس من الواضح انه بيهتم بتنمية عضلاته كمان
قصدك ايه
قصدى انه ممكن يشيل جثة بمنتهى السهولة بس لسة مااقدرش احكم
وبالنسبة للبواب هو فين دلوقتى تلاقيه قاعد فى الحجرة بتاعته
هو على طول بيقعد فى الحجرة
ابدا بس تلاقيه مطمئن علشان الشرطة هنا ودخل الحجرة يستريح شوية
بس أنا لما سألته قال انه ماشفش حد غريب دخل أو خرج من الفيلا بالرغم أن شباك الحجرة قريب اوى من مكان جلوسه
قصدك ايه قصدى انى عرفت حل الجريمة
بجد ياليجند ايه هو الحل ومين الجانى
المشكلة مش فى مين الجانى المشكلة فى الطريقة الجهنمية اللى قدر يسرق بيها الفيلا
الجانى هو .................................................. .....
طبعا أنا مش هقول مين الجانى
أنا هسيب الحل لعباقرة المنتدى
وطبعا انتو عشتو معايا فى اللغز لحظة بلحظة وكلمة بكلمة
وأن بكرر تانى انه انا مش أذكى منكم علشان اعرف الحل
يله عايزين نشوف الحل

فيه احتمالين
الاول ان الكنج هو السارق ده لو كان حاطط رصاص فشنك فى المسدس بس انت بتقول انه قدر يوقع الغصن من مرة واحدة



الثانى انا حاسس ان اللغز مش متظبط مين مجدى ده

اااااااااااهههههههههههههههههههههههههههه عرفت

أكيد الكنج وكان حاطط اول طلقة فى المسدس حقيقية والباقى فشنك

بس برده مين مجدى ده

بصوا يا جماعه انا فى اللغز ده كنت عامل فيه اكتر من ثغره وله اكتر من حل بس اقول لكم

قام كنج بسرقة بيبو في البداية ثم فبرك قصة سرقة شقته ليبعد الشبهة عن نفسه و أخبر تايجر بالموضوع و أعطاه مسدس به رصاص حقيقي لذلك طلب منه أن يجربه حتى يتأكد تايجر بنفسه أن الرصاص الذي في المسدس حقيقي.

و في مساء ارتكاب السرقة قام مجدي بزيارة تايجر وعندما قام تايجر لعمل الشاي استغل كنج (وجود المسدس على المكتب) وقام بتبديل الرصاصات الخمسة الحقيقية بست رصاصات فشنك ( وهذا هو المطب الذي وقع فيه ولم ينتبه له بسبب عجلته) .. و بعد أن غادركنج المكان رجع مرة أخرى لارتكاب الجريمة وهو واثق أن الرصاصات فشنك)

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
رخامه بقه تعمل ايه
يا مجدى

لا يا برنس
كرومبو مين
اصبر بس وانا هظبطك وبعدين الجوايز بعد شهر اكتر واحد هيحل هيكسب
اللى هو هيبقى انت لان المنتدى مفهوش غيرك