ولا فاهم حاجه ادخل انت يمكن تفهم بس برضه شويه كلام زى العسل

بصلى باستغراب وقالى " سيبك يابنى من الافكار اللى هتبوظ دماغك دى "

مردتش عليه وفضلت باصص على فنجان القهوة وانا فى حالة توهان غريبة ... راح قالى تانى " كل الحاجات اللى انت بتفكر فيها دى مش هتفيدك فى حاجة .. هيهمك فى ايه انك تعرف الهدف من الحياة او انت وظيفتك ايه فيها؟ ها ؟ولا حاجة , هتجيب لنفسك وجع القلب وخلاص " حط ايده على كتفى وقال فى رصانة غريبة عليه " كل اللى بيروحوا فى السكة دى مبيرجعوش , وحتى لو رجعوا مش بيبقوا زى الاول , فى حاجة جواهم انكسرت , معتقداتهم اتلعب فيها , واللى اتلعب فيه مش بيرجع زى الاول تانى " .

مردتش عليه برضه فكمل كلامه " انت فكرك ان مفيش حد بيفكر فى الكلام ده غيرك ؟ تبقى عبيط ... معظم الناس بتفكر فيه .. بس برضه معظم اللى بيفكروا فى الكلام ده بيريحوا نفسهم باجابات غير منطقية عشان بس يرتاحوا من التفكير .. تلاقى معظمهم يقولوك الله اعلم .. مع ان ربنا عايزنا نفكر .. بس احنا بقينا بنتعب من التفكير .."

حالة الصمت مستمرة .. وهو مصمم على الكلام برضه
" تلاقيك طبعا بتقولى ازاى نعيش من غير معرفة الهدف بتاع العيشة واللى عايشينها , هو ده الواقع , ياتقبله ياتروح تنتحر وتنهى حياتك بايدك وهتشرف فى جهنم عدل مع اللى عملوها قبلك ... "
وانا لسه ساكت برضه

" هتلاقى شيوخنا بيقولوا ايه بقى يامعلم ... احنا جايين الدنيا عشان نعبد ربنا ... ياحلاوتهم .. فعلا جابوا من الاخر .. الناس العادية بتقتنع بالكلام ده .. طبيعى جدا انهم يقتنعوا لانهم زى ماقلت ناس عادية .. انما اللى بيفكر مش هيقتنع طبعا .. ويقتنع ازاى بحاجة مش مقنعة "
نظرات قرف وخنقة منى وبرضه لسه بيتكلم ابن ........
" الناس ياحبيبى مش بتحب اللى بيفكر , الناس تحب اللى يديهم اجابات مهما كانت الاجابات دى مش مقنعة .. انما انت هتديهم اسئلة من غير اجابات وده هيجننهم فابسط حاجة هيعملوها ايه ؟؟ هيقولوا عليك مجنون او كفرت .. "

" بس تعرف اللى انت فيه ده بسبب ايه ؟ القراية الكتير اللى واجع دماغك بيها .. اه والله يابنى ... كل اللى بيقرا بيحصلوا زيك كده .. وفيه شوية منهم المسالة بتعدى منهم اوى وبيوصل لمرحلة صعبة جدا .. طب تقرا ليه بقى ؟ قولى هيفيدك بايه تعرف تاريخ بلدك كان ايه ؟ طب تاريخ بلدك كان حلو .. هيفيدك فى حاجة ؟؟ كان وحش .. هيضرك فى حاجة ؟؟ اكيد لا .. يبقى تقرا ليه بقى وتوجع دماغك ودماغى معاك ؟"
بدات اتاوب وهو لسه بيرغى

" طب قولى بعد مافكرت وشغلت مخك .. عرفت احنا اتخلقنا ليه ؟ اكيد لا طبعا .. ولا هتعرف .. كان غيرك اشطر ياحلو .. لما تموت بقى وتخش النار او الجنة , رغم انى متوقعلكش الجنة خالص , هتبقى تعرف ساعتها .. هعهعهعهع بس هيفيدك بايه انك تعرف ؟ مانت هتكون بتتشوى هناك مع نانسى ودرو وهتلر ... حبايبك كلهم هيكونوا هناك ياعم .. هتهيص يعنى "

قمت وطفيت النور يمكن ده يسكته ولا حاجة , لكن هيهات
" فضفض معايا يابنى , انا الوحيد اللى يعرف كل حاجة عنك ويعرف اسرارك ايه .. مخنوق من حياتك وحاسس انك مش فاهم حاجة ؟ عارف والله ... خايف من مستقبلك وحاسس ان الدنيا ضلمة ؟ برضه عارف .. كان نفسك متجيش الدنيا دى من الاساس .. عارف برضه .. بس هقولك على حاجة .. مادام جيت يبقى اتنيل على عينك بقى وعيشها , هى اتحسبت عليك .. زى ماواحد انت مش بتحبوا جابلك هدية .. اتحسبت عليك هدية خلاص , يبقى استغلها بقى , مش تروح ترميها وتقول دى هدية من واحد مش بحبوا . . "

زعقت فيه وقلتله " ماتنام بقى الله يلعنك .. خنقتنى وقرفتنى ف عيشتى ".. ضحك وقالى " انت لسه شفت حاجة ... انا معاك بقالى عشرين سنة وست شهور وشوية ايام كده .. لسه فاضلك حوالى 40 سنة معايا وبعد كده تموت واموت معاك ده لو فرضنا انك هتعيش 60 سنة يعنى على حسب متوسط عمر الانسان... اتعود عليا ياحبيبى انا قدرك اللى مش هتخلص منه "
حطيت الهاند فرى فى ودنى وشغلت اغنية مايكل بولتون يمكن ارتاح

I’ve been your prisoner since the day you found me
I’m bound forever till the end of time
Steel bars wrapped around this heart of mine

Steel bars wrapped around me

الراجل ده عجبنى

ايه رايكم فيه
هههههههههههههههههههههههههههههههههه

يا عم ماعادتش فارقه سينا من سونيا

مش فاهمة حاجة ياريت لو حد فاهم يفهمنى بليز

ههههههههههههههههههه تسلم ايدك بس لو فهمت ابقى قولى

ههههههههههههههههههههههههههههههههههههههههه
ده باه ابليس
ههع هع هع ولا فاهم حاجه ادخل انت يمكن تفهم بس برضه شويه كلام زى العسل Icon_twisted

» ياعم ليجنــــــــــــد بالراحه علينا شويه (دا الدين يسر برضه)
» قصيده زى العسل ادخل وشوف
» كلام عن الحب, اجمل ما يمكن ان يقال في الحب
» .ناس بتاخد كل حاجه وناس من كل حاجه محتاجه
» موضوع: كلام عن الحب,انا عندى كلام عن الحب ومشاكله وازاى نحافظ عن الحب ونحل مشاكله